Kalaallit Nunaanni Pinerluttunik Isumaginnittoqarfik

2015-imi Kalaallit Nunaanni Pinerluttunik Isumaginnittoqarfik 154-inik ammasunik isertitsiveqarpoq 56-it Nuummi, 29-t Ilulissani, 29-t Sisimiuni (”utoqqalinermi inissat” qulingiluat ilanngullugit), 15-it Tasiilami Aasiannilu aammalu 10-t Qaqortumi. Nalinginnaasumik isertitsiviit “Pineqaatissinneqarsimasunut Isertitsivik”-nnik taaneqartarput, ukiunili kingullerni isertitsiviit pineqaatissinneqarsimasunuinnaq inissaqartitsinatik aamma eqqartuunneqarnissamut tigummigallakkanut amerliartortunut inissaqartitsisarput.

 

Nuummi isertitsivik 2018-imi nutaamik isertitsivimmik 36-nik ammasunik aammalu 40-nik matoqqasunik inissaqartitsisumik taarserneqarnissaa naatsorsuutigineqarpoq.

 

Taamatuttaaq Pinerluttunik Isumaginnittoqarfik nakkutilliinermut immikkoortortaqarfeqarpoq (Pinerluttunut isumaginnittut ammasumiittut) Nuummi aammalu illoqarfinni isertitsiveqarfiusuni sumiiffinni Maniitsumilu allaffeqartunik. Immikkoortortaqarfiit pingaarnertut suliassaraat eqqartuussisunut inunnik misissuinerit, eqqartuussutit malillugit iliuuseqarnerit aammalu inuiaqatigiinni sulisitaanernut nakkutilliineq aammalu misiligummik iperagaasunut il.il. nakkutilliinerit.

 

Kalaallit Nunaanni Pinerluttunik Isumaginnittoqarfik Justitsministeriap ataani inissisimavoq aammalu 2010–mili sumiiffimmi aqutsisoqarfimmit (Qullersaqarfik) Nuummiittumik allaffissornikkut ingerlanneqarluni.

 

Kalaallit Nunaanni Pinerluttunut Isumaginnittoqarfik pillugu annertunerusumik nittartakkami: www.kriminalforsorgen.gl–imi atuartoqarsinnaavoq.